Савет маладых вучоных
філалагічнага факультэта Белдзяржуніверсітэта

Савет маладых вучоных філалагічнага факультэта быў створаны і пачаў сваю працу ў маі 2009 года. У яго склад увайшлі каля 20 чалавек – маладых навукоўцаў з усіх кафедраў нашага факультэта.

Гэты калегіяльны дарадчы грамадскі орган закліканы спрыяць прафесійнаму росту маладых навукоўцаў, іх актыўнаму ўдзелу ў навуковых даследаваннях, праграмах і фондах. Акрамя таго, Савет дапаможа ў арганізацыі сумесных навукова-даследчых праектаў, удзелу ў канферэнцыях, семінарах, арганізацыі конкурсаў, выданні навуковых і навукова-папулярных прац. Сярод кірункаў дзейнасці структуры – дапамога ў рашэнні пытанняў, якія тычацца сацыяльнай абароненасці моладзі факультэта, прадстаўленне інтарэсаў маладых навукоўцаў перад Вучоным саветам факультэта і ў іншых грамадскіх арганізацыях.

У планах Савета – правядзенне розных майстар-класаў па мовазнаўству і літаратуразнаўству, семінары для студэнтаў і аспірантаў па розных пытаннях, дапамога абітурыентам і школьнікам па шырокім спектры філалагічных пытанняў, арганізацыя канферэнцый маладых навукоўцаў факультэта ды іншае.